58-годишен тетовец ќе одговара за измама откако, според пријавата во полицијата, лани летото зел од жител на тетовско 10.000 евра и автомобил „Мерцедес“ за да му изврши градежни работи на објект, но не ја завршил работата и не ги вратил парите и автомобилот, соопшти полицијата.

„СВР Тетово поднесе кривична пријава против И.А.(58) од Тетово поради постоење основи на сомнение за сторено кривично дело „измама“. Во август 2024 пријавениот се договорил со едно од тетовско да му изврши градежни работи на објект и како надомест му земал патничко возило „Мерцедес“ и 10.000 евра, но до пријавувањето не го завршил договореното, ниту му ги вратил парите“, пишува во полицискиот билтен.