Скоро на илјада Руси кои живеат во Латвија им било кажано да го решат статусот на мигранти во рок од две недели или доброволно да си заминат, а ако не го сторат тоа, ќе бидат депортирани, изјави денеска за латвиската телевизија шефот на Латвиската агенција за миграција. Латвија го промени својот закон за имиграција во есента 2022 година како одговор на руската инвазија на Украина.

За да останат легално да живеат во Латвија, Русите мора да аплицираат за дозвола за престој и да докажат дека знаат латвиски. Оние кои до тој рок нема да го докажат своето познавање на јазикот и не ги исполнуваат законските услови, според новиот закон, мора да ја напуштат државата.

Одлуката се однесува на 985 луѓе, но до април може да опфати 2.500. Руското малцинство во Латвија сочинува околу 25 отсто од 1,9 милиони жители. Тоа се претежно луѓе кои емигрирале за време на советската ера и нивните потомци.