Првиот човек на Барселона, Жоао Лапорта откри дека каталонскиот гигант добил понуда од 200 милиони евра за услугите на 16-годишниот Ламин Јамал, но истата била одбиена.

Јамал игра фантастично во Барселона и важи за еден од најпреспективните фудбалери во светот. Преку агентот Жорге Мендеш тим на кој не му се открива името понудил неверојатна сума за Јамал, меѓутоа Лапорта не размислувал премногу.

„Денешниот пазар е поинаков. За Јамал добивме понуда од 200 милиони евра, но нашиот одговор беше „не“. Ние имаме голема доверба во него и во неговите спортски амбиции кои се поврзани со Барселона. Без разлика на она што се случува во медиумите, ние не сме под притисок да ги продаваме најдобрите фудбалери. Точно е дека минуваме низ фаза на финансика стабилизација, но гледаме и светло на крајот на тунелот. Во летниот преоден рок ќе бидеме активни, но нема да купуваме суперѕвезди“, изјави Лапорта.

Ќе потсетиме, споменатата понуда од 200 милиони евра е само малку пониска од сумата од 222 милиони евра за која Нејмар премина од Барселона во ПСЖ и која се уште е светски рекорд.

?? Laporta: “We’re receiving crazy bids for players like Lamine Yamal around €200m and we’re rejecting, of course”.

“We trust Lamine and we don’t need to sell”.

“We received bids for Balde, Fermín, Pedri, De Jong, Araujo, Gavi… we don’t want to sell our stars”. pic.twitter.com/cDfb34eG6e

— Fabrizio Romano (@FabrizioRomano) March 23, 2024