Возачот на Мекларен, Ландо Норис, ќе стартува од пол-позицијата на претстојната трка во Формула 1 за Големата награда на Холандија, откако беше најбрз на денешните квалификации.

Норис стигна до пол-позицијата со време од 1:09,673 минути.

Втор беше домашниот возач, актуелниот светски шампион Макс Верстапен од Ред Бул, со заостанување од 0,356 секунди. Тој беше на пол-позицијата на последните три трки на неговата домашна патека во Зандворт.

Возачот на Мекларен, Оскар Пјастри ќе стартува од третото, Џорџ Расел од Мерцедес од четвртото, а Серхио Перез од Ред Бул од петтото место.

Во недела од 15 часот ќе се вози трката за Големата награда на Холандија, прва по летната пауза во шампионатот во Формула 1.

ВИДЕО: Тежок инцидент го прекина саботниот Ф1 тренинг во Холандија