Британскиот министер за надворешни работи Дејвид Лами денес на конференцијата на Обединетите нации посветена на решението за две држави меѓу Израел и Палестина предупреди дека ова решение е во опасност.

„Артур Балфур, поранешниот британски министер за надворешни работи, потпиша декларација со која се отвори патот за воспоставување на Израел. Велика Британија е горда на тоа. Но, таа декларација, исто така, гарантираше дека ништо нема да се стори на штета на правата на Палестинците. Тоа не беше спроведено“, рече Лами, според „Гардијан“.

Според него, Хамас не смее да биде награден за нападот од 7 октомври 2023 година, но Хамас, додаде тој, не е палестинскиот народ и нема противречност помеѓу поддршката на безбедноста на Израел и поддршката на палестинската државност.