Претставникот на Европската унија за дијалогот Косово-Србија, Мирослав Лајчак, соопшти дека неделата што изминала била во знакот на средбата што се одржала во рамките на главните преговарачи во дијалогот Косово-Србија.

Тој преку објава на Фејсбук напиша дека косовската и српската страна во рамките на средбата разговарале за имплементацијата на Договорот за патот кон нормализација и актуелните итни прашања.

Тој рече дека за средбата го информирал и советникот на Стејт департментот Дерек Шоле.

„Се сретнав и со советникот на Стејт департментот Дерек Шоле. Добро беше да се зборува за последните случувања во Западен Балкан. Го информирав и за средбата за дијалогот со главните преговарачи. Со добра волја се согласивме за потребата од итна имплементација. Многу сум благодарен за силното партнерство и координација со Соединетите Држави кога станува збор за дијалогот“, рече тој.