Поради пандемијата на коронавирусот фудбалот во Шпанија беше сопрен на 10. март, а сите натпреварувања се суспендирани на неодредено време.

Иако Шпанија заедно со Италија се двете најпогодени европски земји од коронавирусот, доаѓаат најави кои велеат дека фудбалската топка ќе почне да се тркала на лето.

– Очекувам првенството да продолжи во јули, норманлно без навивачи. Пред да се продолжи Ла Лига, екипите ќе организираат и подготовки – вели Жауме Роурес, извршен директор на компанија која ги има ТВ правата за Ла Лига на територија на Шпанија, кој открива како би се прекинало првенството на 11. кола до крајот.

– Доколку некој од фудбалерите е позитивен на ковид-19 кога ќе продолжи првенството, тогаш сезоната ќе биде завршена. Мора да направиме се за да не дојде до такво нешто. Не верувам дека е премногу тешко да се распоредат 11 натпревари во два месеци. Доколку не се доигра сезоната, загубите ќе изнесуваат 700 милиони евра.

Лидер на табелата во Ла Лига е Барселона со 58. бода, два повеќе од Реал Мадрид.