Кошаркарската репрезентација на Србија доби ветувачка група преку која ќе брка пласман на Олимписките игри во Токио, додека Хрватска ја очекува пеколно тешка задача, одреди денешната ждрепка која ја организираше ФИБА.

24 репрезентации ќе играат на четири квалификациски турнири, од кои само победниците на турнирите ќе обезбедат пласман на ОИ во Токио 2020. Во секој град организатор, Белград (Србија), Сплит (Хрватска), Каунас (Литванија) и Викторија (Канада), репрезентациите се поделени во две прелиминарни групи и првопласираните во меѓусебна пресметка ќе го дадат победникот на турнурит кој ќе игра на ОИ.

Србија која е еден од организаторите на четирите квалификациски турнири, во Белград против незгодната Италија, Нов Зеланд, Порторико, Сенегал и Доминиканска Република, е главен фаворит за освојување на првото место.

All 4 FIBA Olympic Qualifying Tournaments 2020 are set ☑

Pick your 4 #FIBAOQT winners who you think will qualify to #Tokyo2020 ? pic.twitter.com/lP2VA2gPqo

— FIBA (@FIBA) November 27, 2019

За разлика од Србија, селекцијата на Хрватска ја очекува вистински пекол бидејќи визата за Токио ќе ја „вади“ во дуелите против Германија, Русија, Мексико, Тунис и Бразил.

Словенија која се очекува да биде предводена од Лука Дончиќ ќе игра во квалификациската група во Каунас, во која домаќин ќе биде Литванија. Противници на Дончиќ и соиграчите, освен домаќинот ќе им бидат уште и Јужна Кореја, Венецуела, Полска и Ангола. За последното место на ЛОИ во групата во Канада, покрај домашната репрезентација ќе се борат и Грција, Чешка и Турција.