Кускус на марокански начин
СОСТОЈКИ:
– 4 шолји кускус
– 4 лажици масло
– 3 главици кромид
– ½ шолја растителен бујон
– 1 шолја варени леблебии од конзерва
– прстофат мускатно оревче
– ½ лажичка куркума
– ½ лажичка ѓумбир во прав
– 1 стапче цимет
– 6 лупени домати
– 400 г моркови
– 400 г бела репка
– 1 дуња
– 2 тиквички
– 1 лута црвена пиперка
– 1 шолја суво грозје
– 50 г путер
– сол и црн пипер
Препорачано
ПОДГОТОВКА
Зеленчукот и овошјето исчистете го, излупете го и исечкајте го морковот и тиквичката на кругови, репката на стапчиња, дуњата на крупни коцки, доматите на четвртини, кромидот и пиперката ситно. Во тава загрејте го маслиновото масло и додајте ги сувите зачини, промешајте па додајте го кромидот. Кога ќе омекне, додајте ги морковите и репката. Промешајте две минути и додајте ја тиквичката, па дуњата, лутата пиперка и леблебиите. Додајте ги доматите и бујонот. Ставете го кускусот во цедилка над зеленчукот, поклопете и оставете да се вари 15 минути. Потоа додајте го сувото грозје и додајте го путерот исечкан на коцки. Поклопете уште 2-3 минути. На крај зачинете со сол и црн пипер. Распоредете го кускусот во чинија, над него зеленчукот и измешајте.
