Премиерот на приштинските привремени институции Аљбин Курти не се откажува од намерата да ги пререгистрира регистарските таблички на возилата во сопственост на Србите на Косово и Метохија на „РКС“, односно табличките на т.н. „Република Косово“.

Преку социјалната мрежа Фејсбук, со видео порака на српски јазик, Курти ги повика граѓаните да се пререгистрираат од денеска во следните два месеци без надоместок, кој инаку ќе изнесува 5.000 евра.

Пререгистрацијата, рече тој, почнува денеска и ќе трае до 31 октомври во 34 центри.

„Ги повикувам граѓаните на Република Косово, сопственици на автомобили со регистарски таблички „ПР“, „КМ“, „ПЗ“, „ГЛ“, „УР“, „ПЕ“, „ДА“ и „ЃА“ повторно да ги регистрираат на регистарски таблички на РКС во следните два месеци, при што се ослободени од даноци и давачки во износ до 5.000 евра“, напиша Курти.

Тој повтори дека на т.н Косово има вкупно 401.945 автомобили со регистарски таблички РКС, од кои десетици илјади се во сопственост на припадници на малцинските народи, или само два отсто од вкупниот број.