Претседателот на Движењето Самоопределување, Албин Курти, после средбата со амбасадорот Ричард Гренел изјави дека разговарале за ургентната потреба од економски развој и отварање на нови работни места во Косово.

– Се сретнав со амбасадорот Ричард Гренел во седиштето на Движењето Самоопределување, заедно со претседателот на косовоскот Собрание, Глаук Конјуфца и пратеничката Фиторе Пацоли. Дискутиравме за ургентната потреба да се фокусираме на економскиот развој и отворање на можности за вработување – напиша Курти.

Инаку после средбата со Курти, амбасадорот Гренел изјави дека со Курти разговарале за тоа до каде се работите со формирањето на владата.

– Не сакам да зборувам за формирањето на владатa. Му реков на Курти дека и земјите како Велика Британија и Германија имаат голема борба за формирање на коалициите за формирање влада. Ние само гледаме што се случува – изјави по средбата Гренел.