Косовскиот премиер Албин Курти верува дека балканскиот „мал Шенген“ е повеќе идеја отколку конкретен план. Според него, не верува дека овој проект е обид за оживување на Југославија.

– Но, јас не ја отфрлам идејата дека во Србија може да веруваат дека ова иницијатива е за креирање на четврта Југославија – изјави Курти за КТВ.

Но, сепак Курти не ја отфрли можноста да седне на масата на оваа иницијатива.

– Ние ги немаме документите од трите средби. Само кога ќе се запознаеме со нив, ќе одлучиме за следниот чекор, во владата на Косово – додаде Курти.

Тој зборуваше и за дијалогот со Србија и рече дека тој ќе ја води косовската страна во разговорите.