По последниот бран јавни изјави на меѓународните дипломати во Косово, како и оние во Брисел и Вашингтон, дека се загрижени за моменталната имплементација на Регулативата на ЦБК за валута без претходна подготовка и координација, како и серија состаноци со Косовскиот премиер Аљбин Курти вечерва конечно се јави со долго писмо на англиски јазик. Нагласувајќи дека Регулативата не се занимава со прашањето на динарот, тој смета дека отсуството на постојната Регулатива „може да доведе до перење пари, финансирање тероризам и други незаконски активности“, пренесува Коссев.

„Од практична гледна точка, оваа одлука значи дека исплатите што ги добиваат косовските Срби сè уште се дозволени, но ќе бидат депонирани на нивните сметки во евра. Се разбира, приватното поседување на странски валути останува дозволено“, тврди Курти.

„Речиси 35 отсто од српската заедница во Косово добива пензии од нашата Влада на сметки во евра. Пензиите добиени од Србија може да се префрлаат на истите сметки, како додаток, а не како замена за постоечките шеми за бенефиции. Покрај официјални филијали на банки, има уште 15 финансиски институции на кои може да им се исплатат пензии од Србија, во отсуство на банкарски сметки“, ова е објаснувањето на Курти.

Најавувајќи дека започнува информативна кампања, чие отсуство доведе до еден од приговорите на меѓународните дипломати, тој наведува и дека „отворањето и одржувањето на нови банкарски сметки во евра ќе биде бесплатно“.