Косовскиот премиер Албин Курти соопшти дека ја прифатил оставката на поранешниот министер за одбрана Арменд Мехај и на негово место го назначил полковникот на КБС Ејуп Македонци.
Курти на Фејсбук изјави дека Мехај поднел оставка поради семејни причини.

„Денеска на барање на министерот за одбрана Арменд Мехај ја прифатив неговата оставка. Барањето за ослободување од должност го поднел од семејни причини. Му се заблагодарив на министерот Мехај за неговата континуирана работа, импресивниот придонес, редовната соработка и неговата примерна посветеност од првиот ден на стапувањето на функцијата“, рече Курти.

Тој додаде дека за нов министер е именуван Ејуп Македончи.

„Со Македонци сме соработувале и досега, додека тој беше на други позиции. На министерот Македонци му посакувам добра работа во подобрувањето на одбраната и безбедноста, во развојот и изградбата на нашата армија“, рече Курти.

Тој посочи дека на примопредавањето на должноста присуствувал и командантот на КБС, генерал-полковник Башким Јашари.

Порталот Демократија претходно објави дека Мејах поднел оставка поради незадоволство од односот на Курти кон меѓународните партнери.