Денеска нови натпревари во Купот на Македонија, во рамките од групата „А“ екипата на Работнички триумфираше над КЛ7 со резултат 33:31. Најефикасен во победничките редови беше Ончен со осум голови, а на спротивната страна Ѓорѓиев запиша седум.

За место на Ф4 Работнички ќе игра против Металург кој со 29:26 славеше над вториот тим на Еурофарм Пелистер. Кај тимот од Автокоманда блескаше хрватското десно крило Хорват со осум голови, а истиот учинок за битолската екипа го имаше Петровиќ.

Во групата „Г“ Охрид оствари триумф над Струга со 22:17 и ќе игра со победникот од дуелот Бутел – Јуниор Кисела Вода.

В четврток се мечевите од групата „Б“, Пролет ќе ги одмери силите со Прилеп, а првиот тим на Еурофарм Пелистер се соочува со Младост Богданци.

Претходно место на завршницата (21-23 мај 2021 година) прв обезбеди составот на Вардар 1961 со победите над Тиквеш и Радовиш.