Кошаркарите на Куманово го одиграа третиот натпревар во БИБЛ лигата и го доживеаја вториот пораз. Овој пат кумановци се поразени на домашен терен од екипоата на Теодо со 78:83 иако во финишот имаа осум поени предност.

Стартот на натпреварот му припадна на домашниот тим благодарение на играта под кошевите, но црногорскиот тим усеа да се врати во игра и со серија од 7:2 да поведе со 19:24 по што првите десет минути ги решија во своја корист (23:26) највеќе благодарение на Булатовиќ, кој постигна дури 11 поени.

Теодо предноста ја задржа и во втората четвертина по што на одмор замина со четири поени разлика (41:45).

Дека овој меч ќе биде доста израмнет, покажа и третата четвртина во која ниту една од двете екипи не направи голема резултатска предност, а во одлучувачката четвртина двете екипи влегоа израмнети (62:62).

Благодарение на тројката на Зивчевиќ, на шест минути до крајот, Куманово поведе со 70:64, подоцна имаше и предност од осум поени (77:69).
Но гостинската екипа не се откажа, се врати со серија од шест поени, за и тоа како достижни (75:77), на две минути пред истекот на регуларните 40.
Во следниот напад, Марко Мијовиќ, донесе израмнување (77:77), па победникот се решаваше во самиот финиш.
Грешката на Рос со тројка ја казни Вујиновиќ за гостинската серија да биде (10-0). Со нова тројка, овојпат од Кусовац, за (83:77), Куманово ги загуби сите шанси за успех.
Со 23 поени, Рос беше најефикасниот играч на Куманово, Андрејевиќ додаде 18, а Зивчевиќ имаше 13 поени во својот премиерен настап за новиот клуб.

Следниот натпревар на Куманово  во БИБЛ лигата ќе биде на 18. декември, кога го пречекуваат Академик Пловдив.

ФОТО: БИБЛ