Шеесет и деветгодишен маж бил приведен вчера откако возел со 102 километри на час во место каде што брзината е ограчена на 50 километри на час.

„Вчера во 11.49 часот на магистрален пат во село Гиновци, кривопаланечко, полициски службеници од Полициската станица за безбедност на патниот сообраќај при ОВР Крива Паланка го лишиле од слобода Д.А.(69) од село Баратлија, општина Ранковце. При контрола на патниот сообраќај било констатирано дека Д.А. управувал патничко возило „фолксваген пасат“ со брзина од 102 километри на час во населено место каде што дозволената брзина е 50 километри на час“, информираат од МВР.

По целосно документирање на случајот, против него ќе биде поднесена кривична пријава по член 297-а од Кривичниот законик – „безобѕирно управување со моторно возило“.