Општина Ѓорче Петров започнува со мапирање на рекреативна велосипедска и пешачка патека во селото Кучково. Велосипедската патека што ќе се изведува ќе биде долга 4,5 километри и 2 метри широка, додека пак должината на пешачката патека е 8,4 километри и е широка 1,5 метри.

На овој начин се насочуваме кон планинскиот туризам и убавините што ги нуди руралниот дел во нашата општина. Создадаваме ново прибежиште за љубителите на природата на само 16 километри оддалеченост од центарот на Скопје.Ќе им понудиме на посетителите нов простор за спорт и рекреација, урбано оплеменување на постоечкиот и неоплеменет дел во Кучково. Со проектот предвидено е и расчистување на трасата, поставување видиковци и инфоративни табли, корпи за отпад, клупи и културни знаменитости. Кучково ќе биде на мапата на атрактивни туристички дестинации во Македонија, онака како што ветивме пред граѓаните – информира градоначалникот Александар Стојковски.

Вредност на проектот се проценува околу 4.7 милиони денари од кои 10 отсто се средства од општината, а останатите ги обезбедува Скопски плански регион.