20-годишен скопјанец ќе одговара за неовластено држење оружје откако полицијата во неговиот дом пронашла автоматска пушка, две рамки и 30 куршуми, соопшти МВР.

„Одделот за сузбивање на организиран и сериозен криминал поднесе кривична пријава против Е.В.(20) од Скопје поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“. На 23.01.2025 во Скопје, полициски службеници извршиле претрес во домот каде што престојувал пријавениот, при што биле пронајдени и одземени автоматска пушка, две рамки и 30 куршуми“, пишува во полицискиот билтен.