Скопскиот кривичен суд го одобри обвинителниот акт против организаторите на настаните на 27 април, 2017 година.

Тоа значи дека ќе им се суди на поранешниот претседател на Собранието, Трајко Вељаноски, поранешните министри, Миле Јанакиески и Спиро Ристовски и поранешниот директор во УБК, Владимир Атанасовски. Од обвинението засега се спасени бившиот премиер Никола Груевски и поранешниот разузнавач Никола Бошковски кои пребегаа.

„Заради интерес на медиумите, ја информираме јавноста дека советот за оценка на обвинителен акт надлежен да постапува по обвинителниот акт КО бр 21/19 поврзан со настаните од 27 април 2017 – та година во Собранието на РМ, по одржана јавна седница како и ценење на фактите и доказите во истиот, донесе решение со кое обвинителниот акт се одобрува во целост.

По веќе оценетиот обвинителен акт, формиран е кривично – правен предмет кој согласно АКМИС – системот ќе биде распределен кај судија на понатамошно постапување за што странките и јавноста ќе бидат дополнително информирани“, соопштуваат од кривичен суд.