Главната критичарка на поранешниот филипински претседател Родриго Дутерте во понеделникот доби кауција по речиси седум години затвор под обвинение за неговата крвава војна против дрогата, пренесува Би-Би-Си.

Поранешната сенаторка Лејла де Лима е обвинета за примање пари од криминалци во случај за кој вели дека е политички мотивиран. Многу сведоци против неа ги откажаа своите сведочења откако мандатот на Дутерте заврши минатата година. За нејзино ослободување имаше и меѓународен притисок.

Де Лима ќе биде ослободена со кауција, иако Дутерте се соочува со истрага на Меѓународниот кривичен суд за наводни злосторства против човештвото. Според Амнести интернешенел, околу 7.000 осомничени криминалци поврзани со трговија на дрога биле погубени за време на шестгодишната кампања.

Амбасадорот на Европската унија на Филипините, Лук Верон, рече дека е „многу задоволен од веста за ослободувањето на де Лима“.

„Значаен чекор за владеењето на правото на Филипините. Позитивен пресврт во потрагата по правда! Се надевам дека решавањето на преостанатите обвиненија ќе биде забрзано“, напиша Верон на Икс.

Very pleased by the news of @AttyLeiladeLima’s release –

A significant step for #RuleOfLaw in the ??. A positive turn in the pursuit of justice! I hope that resolution of the remaining charges will be accelerated . pic.twitter.com/E36K9SccCG

— Ambassador Luc Véron ?? (@EUAmbPH) November 13, 2023

Наследникот на Дутерте, Фердинанд Маркос Јуниор, исто така ја намали кампањата против дрогата откако ја презеде власта во јуни минатата година. Де Лима отслужи пет години од нејзиниот шестгодишен мандат како сенатор од зад решетки. Таа, исто така, ја изгуби својата кандидатура за реизбор во 2022 година.

Таа беше најупорниот критичар на Дутерте за време на неговиот 28-годишен мандат како градоначалник на јужниот филипински град Давао, до неговиот избор за претседател во 2016 година. Таа беше претседателка на филипинската комисија за човекови права, а подоцна и министерка за правда кога Дутерте беше градоначалник.

Како претседател, Дутерте ја повтори својата војна со дрогата во Давао на национално ниво, каде што полицијата можеше да врши претреси од врата до врата, а осомничените беа стрелани поради наводен отпор при апсење. Неколку истраги подоцна открија големи полициски злоупотреби.

Настрана од кривичната постапка, сојузниците на Дутерте во Претставничкиот дом одржаа голем број телевизиски сослушувања за обвинувањата против Де Лима. Тие, исто така, открија непријатни детали за нејзината афера со нејзиниот возач, кој првично рече дека и дал пари за поткуп на Де Лима, но подоцна се откажа.