Кристијано Роналдо погоди во 44. и 78. минута во новата победа на Ал Наср над Ал Васл од 4:0.

Со овој учинок, португалскиот фудбалер сега има 923 гола во кариерата и е сѐ поблиску до историската бројка од 1.000 постигнати голови.

По неговите нови голови и непосредно пред 40-от роденден, Роналдо даде интервју за шпанскиот Ел Чирингито и самоуверено изјави дека е најдобриот фудбалер во историјата.

– Досега постигнав 923 гола, но не ми е важно дали ќе постигнам 930, 950 или што и да е во кариерата. Ако можам да достигнам 1000, супер. Ако не, и тоа е во ред. Но, бројките не лажат. Јас сум најдобриот фудбалер во историјата, точка.

– Можеби повеќе ги сакате Пеле, Меси или Марадона. Го разбирам и го почитувам тоа, но јас сум најдобрата и најкомплетната личност досега. Не сум видел подобар фудбалер од мене. Добар сум за глава, добар изведувач на слободни удари. Убаво шутирам со лева и десна нога. Брз сум, силен, многу скокам. Да се ​​каже дека Роналдо не е комплетен фудбалер е лага. Нема покомплетен фудбалер од мене – се зборовите на Роналдо.