Данецот од редовите на Манчестер јунајтед, Кристијан Ериксен како што стојат работите од наредната сезона ќе го гледаме во нов клуб.

Пред натпреварот помеѓу Данска и Португалија во квалификациите за Светското првенство Ериксен се појави пред новинарите, но доби прашање и за неговата иднина во клубот.

Фудбалерот од средниот ред беше искрен и призна деке е поблиску до заминување.

„Договорот кој го имам истекува на лето и јас сум подготвен да пробам нешто ново“, изјави Ерискен.

Ериксен така размислува и поради тоа што досега никој од клубот не го контактирал за нов договор.

„Ситуацијата едноставно е таква, па претпоставувам дека на крајот од сезоната ќе заврши нашата соработка, додаде Данецот.