Актерот Крис Прат и ќерката на Арнолд Шварценегер, писателката Кетрин Шварценегер Прат, го добија своето трето дете, синот Форд Фицџералд Шварценегер Прат. Среќната вест ја соопштија со заедничка објава на Инстаграм.

„Мама и бебето се добро, а браќата и сестрите на Форд се воодушевени од неговото доаѓање. Се чувствуваме благословени и благодарни“, пишува на објавата.

 

View this post on Instagram

 

A post shared by Katherine Schwarzenegger (@katherineschwarzenegger)

Прат и Шварценегер веќе се родители на две ќерки, Елоиз Кристина (2) и Лајла Марија (4). Прат е и татко на 12-годишниот син Џек, кој го дели со поранешната сопруга Ана Фарис.

Крис и Кетрин се заедно од 2018 година, кога почнаа да се забавуваат откако ги спои мајката на Кетрин, Марија Шрајвер. „Марија им помогна да се запознаат“, изјавил тогаш извор за „Пипл“. Во јануари 2019 година, Прат ја објави својата свршувачка со Шварценегер на Инстаграм.

„Драга Кетрин, многу сум среќен што рече да“, напишал тој со заедничката фотографија. „Пресреќен сум што се омажив за тебе. Горд сум што храбро живеам во верата со тебе. Одиме“, додаде тој.

Тие се венчаа во јуни 2019 година во Монтесито, Калифорнија на интимна церемонија.