Жител на пограничното село Блаце и негов содружник од Косово биле уапсени затоа што со автомобил попречувале полицајци кои работеле на откривање друго кривично дело, соопшти полицијата.

„На 03.10.2024 во 12.15 часот, на место викано „Вражји вир” на подрачјето на Полициското одделение Мирковци, полициски службеници од криминалистичката полиција ги лишиле од слобода Ф.К.(25) од Косово и И.Д.(26) од село Блаце, скопско, затоа што претходно на подрачјето на Мирковци со патничко возило „Волво” со косовски национални ознаки, во кое се превезувале, спречувале полициски службеници при извршување службени дејствија за откривање друго кривично дело“, велат од МВР.

Двајцата биле предадени во Полициската станица Кисела Вода за понатамошна постапка и ќе следуваат соодветни поднесоци.