Портпаролот на Кремљ, Дмитриј Песков, изјави дека Москва ја поддржува иницијативата на претседателот на Соединетите Американски Држави, Доналд Трамп, целосно да се откаже од развојот на биолошко оружје и е подготвена да учествува во тој процес.

„Самата иницијатива е брилијантна и, секако, Москва ја поддржува“, изјави Песков пред новинарите, објави РИА Новости.

Тој додаде дека процесот на општо напуштање на развојот на биолошко оружје треба да биде документиран и формализиран на меѓународно ниво.

Трамп претходно изјави дека глобалната заедница треба целосно да се откаже од развојот на биолошко оружје, бидејќи последиците од ваквите програми се „неверојатно опасни“.
Песков оцени дека повикот на Трамп е „многу важен“ и повика на вклучување на сите земји во процесот на укинување на биолошкото оружје.