кралица елизабета
Кралицата Елизабета Втора и принцот Чарлс / Фото: EPA-EFE/STR

Кралот Чарлс ѝ оддаде почит на кралицата Елизабета Втора на годишнината од нејзината смрт

Една година по смртта на кралицата, кралот Чарлс III објави аудио порака придружена со фотографија на Елизабета Втора.

Во својата порака, кралот се заблагодари на нацијата за „љубовта и поддршката“ што им ја покажаа нему и на кралицата Камила во текот на првата година од неговото владеење.

Во пораката, кралот објави и дека со голема љубов се сеќава на „посветената служба на покојната кралица и сето она што таа значеше за многумина од нас“.

Неговата писмена порака беше потпишана со „Чарлс Р“, каде што „Р“ го симболизира кралот, од латинскиот збор „рекс“.

Елизабета Втора почина на 96-годишна возраст во замокот Балморал на 8 септември минатата година, неколку месеци откако го прослави платинестиот јубилеј – 70 години на британскиот трон.

По повод годишнината од нејзината смрт и стапувањето на тронот на Чарлс, во лондонскиот Хајд парк се организира почесен оган, додека камбаните ќе бијат во Вестминстерската опатија.

Кралицата Елизабета Втора беше цели 70 години на тронот иако немаше формално образование

Принцот стана крал Чарлс III и наследи огромно богатство

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот