Најмалку 46 лица загинаа, а 60 се повредени во немирите што избувнаа во затвор во Венецуела, според невладината организација за затвореници и опозициски пратеници.

Беатриз Жирон, директор на Венецуелската опсерваторија за затвори, рече дека 46 тела се идентификуваат по инцидентот во петокот што се случи на западниот дел од затворот Лос Ланос. Затворите во оваа јужноамериканска земја се познати по екстремното насилство и очајните услови.

Министерот за затворски системи, Ирис Варела, за локалниот весник „Улимас Нотичиас“ изјави дека инцидентот се случил додека затворениците се обидувале да избегааат и дека директорот на затворот е повреден. Таа не го прецизираше бројот на мртви.