Легендарниот хрватски фудбалер Иван Ракитиќ на 37-годишна возраст одлучи да стави крај на својата играчка кариера. Оваа одлука ја потврди тренерот на Хајдук, Гонзало Гарсија, во изјава за „Нова ТВ“.

Иако постоеше можност Ракитиќ да го продолжи договорот со Хајдук за уште една сезона, неговото отсуство на почетокот од подготовките беше јасен сигнал за крај, што сега и официјално се потврдува.

Ракитиќ нема целосно да се повлече од фудбалот и останува дел од проектот на клубот со што ќе има нова функција во спортскиот сектор, како член на тимот на новиот спортски директор, Горан Вучевиќ.

Во богатата кариера, Ракитиќ носеше дресови на големи клубови како Барселона, Севиља, Шалке, Базел и Хајдук. Настапуваше за сите младински селекции на Швајцарија, но на сениорско ниво одлучи да го брани дресот на Хрватска, за која одигра дури 106 натпревари.

Зад себе Ракитиќ има ксриера во која освои четири титули во Ла Лига, една Лига на шампионите, четири Копа дел Реј со Барселона, како и две титули во Лига Европа со Севиља.