ОВР Дебар поднесе кривична пријава против Т.Ш.(30) од дебарското село Аме поради постоење основи на сомнение за сторено кривично дело „кражба на електрична енергија, топлинска енергија или природен гас“.

Според полицијата, тој на „диво“ се приклучил на броилото за струја на соседите, кои биле во странство, и им ја крадел струјата.

„При извршени контроли, екипи на ЕВН констатирале дека пријавениот неовластено извршил приклучување на електрично броило од куќа чии сопственици биле во странство, со што им предизвикал материјална штета од 34.523 денари“, пишува во полицискиот билтен.