Управниот совет на косовскиот Универзитет „Хасан Приштина“ одлучи да им забрани на професорите кои се вработени на тој универзитет да предаваат и на приватни факултети, пренесува Коха.

Донесена е одлука дека не е дозволено ангажирање на академски кадар на приватни високообразовни установи“, се вели во соопштението на Универзитетот.

Во одлуката се наведува и дека не е дозволено споменување на имиња на професори на тој универзитет од страна на приватните факултети при акредитација на студиски програми во Агенцијата за акредитација, како и давање поддршка во каква било форма на факултет или приватна високообразовна институција, а во процес на програмска и институционална акредитација.