Огранокот на косовската полиција за источниот регион заплени 1.245 саксии со цвеќе на патот Косовска Каменица-Гњилане поради недостиг на придружна документација, наведувајќи дека постои сомневање дека цвеќето е „незаконски донесено од Србија“, објавија косовските медиуми.

Косовската полиција соопшти дека по рутинска контрола, во комбе мерцедес биле пронајдени и одземени 93 пакети цвеќе.

„Оперативната единица Исток, по добиени информации од терен за сомнителни движења во граничниот појас, ги презеде потребните оперативно-тактички мерки и проверки на патните правци од граничниот појас и секундарните и регионалните патишта на подрачјето на Каменица и Гњилана. Околу 19.10 часот на магистралниот пат Каменица-Гњилане се наоѓа комбе „мерцедес“ со локални регистарски таблички. При увид во комбето биле пронајдени украсни цвеќиња од разни видови, 93 пакувања, 1.245 вазни за кои немало пропратен документ за потеклото и содржината, поради што постои сомневање дека цвеќето е нелегално увезено од Србија,“ велат од косовската полиција.

Како што додаваат, случајот го води полицијата, а сите понатамошни дејствија ќе бидат преземени во соработка со Обвинителството.