Припадници на одделот за економски криминал со помош на косовска полиција во Лепосавиќ вршат претрес во просториите во кои се наоѓа трезорот на Народната банка на Србија, јавуваат српските медиуми повикувајќи се на извори во косовската полиција.

Како што се наведува, претресот се врши по наредба на судот од северниот дел на Косовска Митровица.

Се што ќе откриеме а е важно за истрагата ќе биде одземено“, велат од полицијата.

Трезорот на Народната банка на Србија се наоѓа во истата зграда каде што до неодамна беше сместена Привремената управа на општина Лепосавиќ, која припадниците на косовската полиција ја затворија на 30 август, а пред неколку дена земаа и компјутер опрема и документација од таму, јавува Танјуг.