Косовската полиција, од од вторник 22 ноември до 21 јануари, ќе ги казнува сите сопственици на автомобили со српски регистарски таблички од градовите на Косово кои не ги пререгистрирале своите возила со косовски таблички. Веста од Приштина доаѓа во пресрет на утрешната средба меѓу српскиот претседател Александар Вучиќ и косовскиот премиер Албин Курти во Брисел. Казнувањето, како што беше претходно најавено, требаше да почне од утре, 21 ноември.

Од косовската полиција потсетуваат дека сопствениците на возилата со, „нелегални таблички“ од 1 ноември биле опоменувани, со упатство да се јават во Центарот за регистрација на возила. До денеска, како што информираат, изречени се 1.740 опомени.
Со одлуката за пререгистрација на возилата од српски на косовски таблички се опфатени ознаките „ПР“, „КМ“, „ПЗ“, „ГЛ“, „УР“, „ПЕ“, „ЃА“.