Косовската полиција и денеска продолжи со рации во јавни објекти контролирани од Србите
Во зграда на филијалата на Националната служба за вработување на Косово не може никој да влезе, а во тек е претрес на просториите на службата.
Препорачано
Акцијата на полицијата претставува продолжение на упадите од оваа недела во кои се заземени згради и објекти на повеќе компании и организации контролирани од Србите нац Косово, објавија медиумите од регионот.
Припадниците на косовската полиција упаднаа на 13-ти мај и во просториите на ЈКП “Водовод Ибар” во северниот дел на Косовска Митровица, која функционира во системот на Владата на Србија, а на вработените им е наредено да ги напуштат просториите.
Српска листа соопшти дека со упадот на Приштина во ЈКП “Водовод Ибар” загрозено е не само цивилното население туку и водоснабдувањето на сите важни објекти.Инспекторите на полицијата упаднаа во среда и во зграда каде што се наоѓа Установа за спорт, младински активности и специјализирани услуги во северниот дел на Косовска Митровица, која е во системот на Владата на Србија.
