Министерот за одбрана на Косово во технички мандат, Ејуп Маќедонци денеска соопшти дека минатата недела пристигнале беспилотни летала „AeroVironment RQ-20 Puma“, купени од САД.

На социјалната мрежа Фејсбук, тој напиша дека Министерството за одбрана ги набавило тие беспилотни летала преку меѓудржавната програма и дека плаќањето за оваа набавка е извршено во 2021 година.

„Леталата „Puma“, покрај другите беспилотни летала, претставуваат уште еден неопходен сегмемт за зајакнување на капацитетите на Косовските безбедносни сили (КБС) во областа на беспилотните воздушни системи. Соработката со САД во областа на одбраната постојано се продлабочува и проширува, придонесувајќи за развојот на нашата армија, како и за остварувањето на заедничките интереси на нашите две земји“, напиша министерот.

„RQ-20 Puma“ е мало беспилотно летало напојувано со електрична енергија од батерии, а се лансира од рака. Неговата примарна намена е надзор и собирање разузнавачки информации со помош на електрооптичка и инфрацрвена камера