„Хуманитарната ситуација во Газа е целосно неприфатлива“, нагласи претседателот на Европскиот совет, Антонио Кошта.

„Израел е пријател, но со пријателите мора да бидеме искрени и јасни“, рече Антонио Коста, велејќи дека „не можеме да го игнорираме она што го гледаме на телевизија и го читаме во печатот“.

Антонио Кошта објасни дека високиот претставник на Комисијата е задолжен да го оцени Договорот за асоцијација на ЕУ со Израел, врз основа на член 2, кој предвидува дека двете страни мора да ги почитуваат човековите права. „Извештајот е јасен. Постои систематско кршење на човековите права од страна на Израел во Појасот Газа“, рече тој, додавајќи дека Советот на министри за надворешни работи во јули сега е повикан да донесе одлуки.

Понатаму, Антонио Кошта нагласи дека ЕУ го повикува Израел да прифати итен прекин на огнот, да ја укине блокадата на хуманитарната помош и целосно да ги почитува човековите права во Газа и да го запре нелегалното населување на Западниот Брег.

Антонио Кошта, исто така, рече дека ЕУ треба да започне „искреен дијалог“ со Израел – „за да се излезе од оваа криза и да се промени ситуацијата на терен“. Тој додаде дека Хамас треба веднаш да ги ослободи преостанатите заложници.

„Нашата целокупна стратегија е јасна: за да има вистински мир на Блискиот Исток, од суштинско значење е решението со две држави да стане реалност. Мора да постигнеме напредок во оваа насока“, додаде тој.