Женската кошаркарска репрезентација на Македонија до 20 години ќе игра за седмото место на Европското првенство Б-дивизија откако денеска загубија од Германија со убедливи 87:44.

Избраничките на Јелена Антиќ добро го започнаа натпреварот, имаа резултатски приклучок до седмата минута кога беше 10:13, но Германките до крајот на првата четвртина направија серија 0:10 за 10:23.

Серијата продолжи и во втората четвртина во која Германија ги реши дилемите околу победникот, поведе со 20 поени разлика (12:32) по што рутински го одработија натпреварот до крајот.

Илина Селцова со десет поени и Наталија Секуловска со девет поени беа најдобри кај Македонија, додека Германките ги предводеа Сара Полерос со 17 поени и Марија Костантиниду со 12 поени.