Американската кошаркарка Бритни Грајнер се врати на теренот во дресот на нејзиниот тим од ВНБА, Феникс Меркјури, откако потпиша нов договор со трикратниот шампион, кој следеше по нејзината голгота во Русија, каде помина десет месеци во притвор под обвинение за поседување марихуана.

Поради ова, 32-годишната кошаркарка во Русија беше осудена на драконска казна од девет години затвор, а во декември, по преговорите меѓу американската и руската страна, беше дел од размена на затвореници, во која беше вклучен и рускиот трговец со оружје осуден во САД – Виктор Бут.

Осумкратната „ол стар“ ѕвезда по 294 дена беше пречекана во Америка од партнерот и семејството и сѐ уште се враќа во форма. Таа останува во конкуренција за место во американскиот состав за Олимпијадата во Париз.

Грајнер во Русија заработуваше по милион долари годишно како членка на тимот на Екатеринбург.