Денеска „црвено-црните“ повторно известуваат за нов одложен меч во Лигата на шампионите, иако до последен момент имаше навестувања дека германските власти ќе дозволат одигрување на натпреварот Флензбург – Вардар 1961, истиот во последен момент се одложува.

Планирано беше мечот против Флензбург да се одигра на 11 февруари во 18.45 часот во Германија.

Причината за одложувањето е последното гостување на Вардар 1961 во Португалија.

Бидејќи Португалија е во „црвена зона“ германските власти бараат тимот на Вардар 1961 да биде во карантин доколку пристигне во Германија и сакаат да го играат натпреварот.

За одигрување на истиот меч ќе се бара друг термин и координација со двете екипи.

Пред четири дена РК Вардар 1961 ја информираше јавноста дека и дуелот од ЛШ против ПСЖ кој требаше да се одигра денеска е одложен, и за тој ќе се бара друг термин.