Кристијано Роналдо неодамна беше спектакуларно промовиран во Ал Наср каде што потпиша двеипол годишен договор за плата од 200 милиони евра по сезона.

Од кога го раскина договорот со Манчестер Јунајтед Роналдо се поврзуваше со повеќе клубови, а во игра бил и бразилскиот Коринтијанс.

Роналдо самиот на презентацијата во Ал Наср откри дека имал многу понуди од различни земји како Бразил, САД, Австралија, Португалија…Дуилио Монтеиро Алвеш сега потврди дека се обидел да го доведе Португалецот во Коринтијас.

„Ние му понудивме иста плата како и таа во Манчестер Јунајтед. Стануваше збор за договор на две години. Со помош на нашите спонзори можевме да си дозволиме таков трансфер. Сепак, тој ја избра понудата од Саудиска Арабија која беше 20 пати повисока“, изјави Монтеиро.