Контроверзна инвестиција: Новиот фудбалски стадион во Србија ќе „се исплати“ за 400 години
Србија продолжува со еден од најконтроверзните инвестициски проекти. Додека властите интензивно работат на четвртата фаза од развојниот план, експертите предупредуваат дека стадионот што се гради може да се „исплати“ за стотици години.
Препорачано
Изградбата на Националниот стадион во Србија е еден од најамбициозните инфраструктурни проекти во земјата. Властите продолжуваат со четвртата фаза на развојниот план, која вклучува и дел за посебни намени. Српската агенција за просторно и урбано планирање распиша тендер за импелементација на оваа фаза, со Институтот за урбано планирање на Белград, кој има ексклузивни права за градба во главниот град и да биде главниот контрактор.
Четвртата фаза од планот покрива област од 826 хектари, што е најголемата во историјата. За споредба, оргиналниот план од 2022 година покриваше 119 хектари, ама низ различни фази, површината беше зголемувана на 167 па на 350 хектари.
Според плановите, просторот на ЕКСПО 2027 каде ќе се наоѓа стадионот, ќе се трансформира во резиденцијална област за 4.500 луѓе со образовни и услужни дејности после настанот.
Цената за развојот на четвртата фаза на планот е проценета на 21.4 милиони динари, вклучително со даноците. За ова се обезбедени пари во буџетот, од буџетски резерви. Ова е контроверзна одлука, бидејќи фондовите оригинално беа планирани за други инфраструктурни проекти, како патишта.
Буџетските резерви се за непланирани трошоци во текот на годината. Експертите велат дека профитабилноста на инвестицијата е контроверзна. Институтот за истражување на итни јавни набавки направи анализа во која заклучи дека Националниот стадион ќе стане профитабилен после 420 години. Сегашните трошоци се проценети на 1 милијарда евра, па така повратот на инвестицијата би барал стадионот да се користи на максимално можно ниво, за цел сет настани, дури два дневно, од фудбалски натпревари до невообичаени настани како свадби и крштевки.
Мирослав Џомбиќ вели дека ако трошоците се зголемат за нови 200 милиони евра, тогаш поврат на инвестицијата може да се очекува за 500 години.
