Светската здравствена организација предупредува дека ризикот од сексуално преносливи инфекции и несакана бременост е зголемен поради намалената употреба на контрацептивни средства кај младите. Истражувањето спроведено од 2014 до 2022 година покажува дека речиси една третина од адолесцентите не користеле кондом или контрацептивни таблети за време на сексуалниот однос.

Во Србија четвртина од граѓаните никогаш не користеле контрацептивни средства, а последиците можат да бидат сексуално преносливи, но и малигни заболувања, но и несакана бременост- пишува Курир.рс.

Раководителката на Дневната болница ГАК „Народни фронт“, проф. Д-р Ана Митровиќ вели дека во Србија не можат да се пофалат со употреба на современи методи на контрацепција, но посочува дека младите сепак многу подобро ги прифаќаат советите на лекарите отколку нивните родители.

Според неа, мора да се работи на мотивирање и едукација на луѓето да користат контрацепција и дека секоја форма на контрацепција треба да се прилагодува индивидуално за да биде ефективна и безбедна.

– Двојна заштита е императив, особено во помлада возраст кога се влегуваат во сексуални односи, често непромислено и кога има голем број на партнери. Покрај модерната контрацепција, која ќе обезбеди безбедна и ефикасна форма на превенција од несакана бременост, неопходно е да се користат и кондоми за заштита од полово преносливи болести – вели Митровиќ.

Дури и со употреба на кондоми, доколку тие не се користат правилно, постои ризик од сексуално преносливи болести. Затоа образованието е толку важно.

– Здравственото образование, во чии рамки би се разговарало и за сексуално образование, треба да се вгради во завршните одделенија од основното училиште, бидејќи е исклучително важно младите да имаат пристап до точни информации – вели професорката.