На денешната 37-ма владина седница било констатирано дека голем број од институциите, над 95 проценти од нив, ги реализирале инвестициите за што е изразено задоволство со констатација дека сите економски мерки што биле преземени во минатата година дале резултати.

Како што соопшти владината прес-служба, на седницата е информирано и дека 95,4 проценти е реализацијата на сите пакети со економски мерки од ковид-програмата што беа донесени за полесно совладување на кризата кај граѓаните и кај претпријатијата.

Премиерот Заев заедно со министрите, како што стои во соопштението, констатираше дека резултатите од последниот квартал покажуваат излез од економската криза и тоа дека Владата во однос на создавањето на економските услови за граѓаните е на вистинскиот пат и дека покрај здравствената криза, на светско ниво, во државата е обезбедено сочувување на работните места и создавање услови за обезбедена солидна потрошувачка на граѓаните.