Со едно минутно молчење за прерано починатиот претседател и основач на Партијата на Власите на Македонија, Мите Костов Папули и долгогодишната активистка на партијата Агапи Чункоска беше отворен петтиот Конгрес на ПВМ. По ова следуваше и видео запис во сеќавање на починатиот претседател.

На Конгресот беа донесени неколку одлуки со кои се направија статутарни промени, односно беше променета структурата и статутот на партијата.

За нов претседател на партијата делегатите со гласање го  избраа Стерја Костовски, а на ново изгласаната позиција заменик-претседател, делегатите со акламација го избраа Стерјо Папули. На овој конгрес беа реизбрани и двајцата потпретседатели на партијата Нако Наков и Леонида Чолаковски.

– Новото раководство заедно со органите на партијата ќе се залага и бори за реализирање на ново донесената програма и резолуција. ПВМ ќе остане отворена партија за сите граѓани кои сакаат да помогнат во развојот и напредокот на државата и нејзиниот европски пат, се вели во соопштението од Партијата.