Адвокатот Владимир Гајиќ открил детал кој би можел потенцијално да укаже на уште еден конфликт кој се случува во исто време додека трае целата афера „Крушик“. Тоа е конфликт помеѓу српски трговци на оружје во оваа работа која изнесува речиси милијарда евра годишно.

Гајиќ вели дека припадници на полицијата и БИА му рекле на Обрадовиќ при апсењето дека им го „уништил отстранувањето на Тешиќ од работа“. Станува збор за Слободан Тешиќ, човек кој долго време важи за најголем српски трговец со оружје, кој според непотврдени информации, многу држави го означиле како „непријател на мирот“.

За Тешиќ долго се зборувало како за „човек без лице“, а најмногу детали за него биле дознати кога Викиликс објави документи на 8 декември 2010 година, каде се наведува дека „илегалниот трговец со оружје“ Слободан Тешиќ потпишал со јеменското министерство за одбрана договор вреден 78 милиони долари за трговија со оружје. Во документот се наведува дека Тешиќ често патувал во Јемен заради овој договор. Амбасадорот на САД се повикал на извори од бугарската амбасада во Јемен и навел дека договорот би требал да биде реализиран во јануари 2010 година. Наводно, се работело за трговија на муниција за тешка артилерија, снајпери, противавионски топови… Во истиот документ се изразува надеж декеа трговијата ќе може да биде запрена.

Колку американската администрација дава внимание на работата на Тешиќ, се покажало во 2017 година кога била објавена листа од 15 лица од различни краеви на светот, кои се ставени под санкција заради наводна злоупотреба на човечки права и корупција. И Тешиќ се наоѓа на таа листа.

Во образложението се наведува дека Тешиќ директно или индиректно дал мито и пружил финансиска помош на функционери за да би обезбедил договори за наоружување со различни земји. Во истото образложение се наведува дека Тешиќ „водел потенцијални клиенти на скапоцени одмори, плаќал образование на нивните деца во училиште или универзитети на Запад и користел мито од голем износ за осигурување на договори“.

Друг на оваа листа на најуспешни извозници на оружје е „Техноремонт“, инаку многу интересна компанија, која се поврзува со истекување на податоци од „Крушик“. Наводно, сопственикот на оваа фирма е Петар Црногорац, син на Светозар, бившиот директор на „Заставе оружја“.

Црногорац бил уапсен во јули 2014 година заради сомневање дека учествувал во местење на тендерите за продажба на оружје на Војската на Србија. Се сомневало дека добивал доверливи информации за тендерите за купување на вишоците на воена опрема. Таа афера никогаш не го добила судскиот епилог.