Запуштената и тесна пешачка патека што води од улица Македонија, покрај влезот во хотелот „Бест вестерн“ до Министерството за финансии, конечно се средува. По повеќе години и по многубројни барања на граѓаните, поместени се лимените табли од градилиштето каде работите одамна се запрени, за да се прошири преминот.

Градоначалникот Горан Герасимовски информира дека оваа интервенција е на барање на жителите кои живеат во околните згради.

Со санацијата на оваа пешачка патека не само што им излегуваме во пресрет на барањата на граѓаните, туку овозможуваме и полесен пристап, подобра проодност и поголема безбедност за пешаците. Центар треба да биде урбано, функционално и удобно место за живеење, а токму тоа и го правиме секојдневно. Досега, реконструиравме 20 улици на територија на општината со фокус на безбедноста, пристапноста и урбаното уредување, вели Герасимовски.