Коментаторот на Би-Би-Си, Крис Бреднам изјави дека Новак Ѓоковиќ без проблем може да биде избран за претседател на Србија, доколку еден ден одлучи да се кандидира.

Бреднам овие зборови ги кажа додека го коментираше мечот од четвртфиналето на Вимблдон меѓу Ѓоковиќ и Јаник Синер, кој заврши со триумф на српскиот тенисер во пет сета и тоа откако губеше со 0:2 во сетови (5:7,2:6,6:3,6:2,6:2).

– Ѓоковиќ има многу навивачи каде и да игра и тие го следат во секој чекор. Се прашувам дали еден ден ќе влезе во политиката и ќе стане претседател на Србија. Мислам дека би остварил убедлива победа на изборите – рече Бреднам за време на преносот.

Ѓоковиќ ќе игра во полуфиналето на Вимблдон, утре од 11 часот протв домашниот тенисер Камерон Нори.