Вработените според колективните договори во Германија штрајкуваа помалку минатата година и во 2023 година од многу други Европејци. Со годишен број на изгубени работни денови од 21 на 1.000 вработени, Германија, заедно со Холандија, се најде на средината на европската листа, според извештајот на Фондацијата Ханс Беклер. Во Белгија и Франција, приближно пет пати повеќе работни денови се изгубени поради штрајкови, објавува ДПА.

Ако се пресмета по вработен, просечниот германски работник штрајкува околу десет минути годишно. Во Финска, Кипар и Шпанија, работата беше прекината значително повеќе отколку во Германија. Малку работнички борби беа регистрирани во Шведска со еден ден штрајк, како и во Австрија и Унгарија со по четири на 1.000 вработени.

Авторите на студијата наведоа дека борбата за повисоки плати била во срцето на барањата на работниците по бранот инфлација од 2021 година. Во просек, синдикатите во еврозоната минатата година се бореа за зголемување на платите од 4,5 проценти, од кои, кога ќе се одземе инфлацијата, остануваат 2,1 процент од реалниот раст на платите.

Во Германија, зголемувањата се малку над просекот, 5,4 проценти номинално и 2,8 проценти реално. Платите пораснаа посилно, меѓу другите, во Австрија, Португалија и Словачка. Почнувајќи од 2020 година, авторите на студијата забележуваат општ пад на реалните плати низ цела Европа. Само во Португалија платите растеа побрзо од потрошувачките цени во тој период. Во Германија, реалните плати според колективните договори се сè уште за околу пет проценти под бројките од 2020 година.

Дискусиите за ограничување на правото на штрајк во Германија не ја одразуваат реалноста, пишуваат авторите Тило Јансен и Малте Либкер.

„Ниту обемот на штрајкови е особено висок, ниту правото на штрајк е особено либерално“, наведоа авторите.