Советничката од редовите на ВМРО-ДПМНЕ во град Скопје, Светлана Колариќ, во емисијата „Утрински брифинг“ на „Слободен печат“, вели од поднесени 70 амандмани, Шилегов и коалицијата не им прифатиле ниту еден при расправата за Буџетот за 2020 година, а како најважен го истакна 4та фаза од реконструкцијата на булеварот „Борис Трајковски“, во насока Пинтија-Драчево.

Во однос на придобивките кои неодамна ги истакна Шилегов од овој Буџет, како што е изградбата на Луна Парк, Колариќ упати прашање до скопскиот градоначалник.

-Само за реквизити преку предложениеот буџет се предвидени 120 милиони денари. Дали на граѓаните кои имаат проблем со канализација и водоводна мрежа во Скопје, потребен им е забавен парк- запрашува Колариќ.

Основниот буџет на Град Скопје за 2020 година ќе биде 75 милиони евра. Вкупниот буџет околу 120 милиони евра, 12 отсто повеќе во однос на 2019 година.

Градоначалникот Шилегов потенцираше дека изградбата на Луна Парк, на нова Универзална Сала, одржување на кејот на реката Вардар, изградба на велосипедски патеки и урбана опрема на скопското Кале, се помеѓу повеќето значајни проекти од овој Буџет.